Urdu Health Articles

Urdu Health Articles, Home Treatments, Benefits of Fruits And Vegetables, Homoeopathic Treatments And Tips in Roman Urdu

How To Use Mascara - Tips

Here is a some tips of mascara. How to use it. Mascara give us eyes beauty and change of your look. In this page you will mascar tips and use in Roman Urdu. 

Table of Content
  • Mascara Tips In Urdu
  • Artificial Eye Lashes In Urdu
  • Use Of Mascara In Urdu

    Mascara Tips In Urdu

    Mascara Say Apnay Husn Ko Char Chand Lagadiye
    Mascara ka istemal ankhon kay makeup mein akhri amal hai. Zahanat kay sath is kay istemal say palkain pur kashish aur khowabnat ban jati hain aur puray chahray par aik khushgawar ahr hasin tasur ubhar ata hai. Yeh na sirf ankhon ki paigham rasani ki quwat mein izafa karta hai balkay chahray ko nojawan aur tarotazah bhi bana daita hai.
    Apini zaban mein mascara kay Mani hain naqab dal laina ya shakal tabdil karlaina. Tahal cosmetic ki duniya mein is ka istemal ankhon ki shakal ko tabdil kardaina nahin balkay is ki khubiyon ko mazid ujagar kardainay kay matradif hai.
    Ziyadah behtar formulations aijad hojanay kay bad aisa mascara muntakhib karlaina ziyadah asan hogaya hai jo aap ki zarurat kay ain mutabiq ho. Protein par mabni mascara chidri palkon kay liye behtarin hai. Raishon par mabni mascara palkon ki lambaee mein izafa kardaita hai. 
    Baz mascara isi terha design kiye jatay hain kay woh nam kha kar foran such jatay hain jab kay baz dusray palkon ko chamakdar bana kar dramaee tasur paida kartay hain. Water proof mascara bhi atay hain jo hawa ki nami sy kharab nahin hotay aur pasinay kay sath behtay. 
    Chunanchay agar aap ruwain ya soain, teraki karain ya barish mein bhigain, mascara kharab nahin hota is kay alawah yeh contact lanse istemal karnewalon kay liye bhi mehfux hain aur ainak laganaywalon kay liye bhi! Kiyunkay yeh na to jhartay hain aur na hi ankhon mein sozish paida kartay hain aur tamam din makup ko qaim rakhtay hain.
    “Asli Block Mascara” ki man gab bhi ziyadah hai kiyunkay is ka istemal bohot asan hai. gilay brush kay balon ko mascara par ragrain aur mustehkam hathon say isay palkon par malain. Is bat ki koshish karain kay jab tak mascara gila ho is waqt tak palkain mat chapkain warna woh ankhon kay dusray hisson par bhi chipak jaiga.
    Ruee ko skin freshner mein dabo kar izafi mascara ko ponch dain. Jild par parjanewalay dhabon ko dur karnay kay liye eye makup remover ziyadah behtar rahay ga. Jild ko dhabon say bachanay kay liye nichli palkon kay nichay aik tissue paper mor kar rakhlain is terha izafi mascara tissue paper par hi giray ga.
    Cake aur brish variety kay muqablay mein rand aur tube type mascara ziyadah behtar tariqay say control hota hai isay baray hamwar tariqay say kam waqt mein lagaya ja sakta hai. spiral vend ki terha ka applicator behtarin ozar hai jo chahray par dhabby parnay hi nehin daita aur bari kamiyabi kay sath mascara laga daita hai.
    Natural ya dark brown mascara bohot fitri nazar ata hai. uppari palkon par mascara laganay kay liye brush ko upper say nichay ki simt chaplain yani jar say ibteda karain aur palkon kay kanaron tak brush ko la aaen phir in ki nichli satah par jar say shurooh karkay kanaron tak brush lain. Din bhar kay liye aik coat hi kafi rahay ga. Lakkin rat kay waqt ziyadah wazeh nazar nay kay liye do tin coat karna zaruri hongay taham zarurat say ziyadah mascara mat istemal karain.
    Izafi vend ko napkin say ponch dalain. Phir nichay girtay uway mascara ko tube kay kanaron par hi rok lain. Nichli palkon par sirf uppari satah par jaron say kanaron ki simt brush phairain. Pehla coat body mein izafa karta hai jab kay dusra coat rang tez karta hai.
    Mascara ko palkon par chipaknay say roknay kay liye brush ko ara tircha harkat dain aur palkon ko apas mein chipaknay say roknay kay liye palkon ka kangha istemal karain.
    Puri terha tasir paida karnay ki khati rmaskara laganay say qabal brush ki madad say palkon par thora sa powder mal lain is terha palkon par mascara ki is qadar beez the jam jati hai kay chidri palkain bhi ghani nazar anay lagti hai. agar aap ainak istemal karti hain ti mascara thora sa bhari mehsus honay lagta hai khususan agar aap kipalkain lambihon. Ankhon kay harkat kay sath ye mascara aap ki ainak kay shishon ko dhundla day ga.
    Raishay dar mascara say parhaz karain aur baghair raishon ka muntakhib karain. Vend ki nok say nichli palkon par mascara lagain aur palkon ko chipaknay say mehfuz rakhnay kay liye vend ko ahistagi say dain say bain ki taraf harkat daiti rahain. Ankhon kay husn ko mazid ujagar karnay kay liye papoton kay andruni siray par kajal ki pencil say khat dal dain.
    Apni ankhon ko shedo dainay kay liye beshtar Pakistani khowatin kajal aur sirkay ka istemal karti hain. Yeh donon umdah quality kay hon aur bari ahtiyat kay sath lagai jain kiyunkay yeh ankhon kay dhilon tak lagtay hain kab kay mascara sirf palkon tak hi mehdud rehta hai.
    Rat ko sotay wat ankhon kay makup ko achi terha saf kardain. Mascara ko naram aur dhila karnay kay liye thora say bibi oil ya makup remover lotion p alkon par malain phir inhain ponch kar thanday pani say dho dalain.
    Palkon ki jaron ko mazbut bananay aur inhain barhnay mein madad dainay kay liye thori si petroleum jell ye chand qatray caster oil mal liya karain.

    Artificial Eye Lashes In Urdu

    Musnuee Palkain
    Filmi aur stage fankaraon kay alawah dusri khowatin mein musnuee palkain ab maqbul nahin rahin kiyunkay mascara bohot thoray waqt mein behtarin karkardagi ka hamil hai. izafi palkain zarurat say ziyadah tasur daiti hain aur inhain fit karnay kay liye ziyadah waqt aur sabar ki zarurat is kay alawah inhain qudrati palkon kay bohot qarib fit karna chahiye kiyunkay zarasi bhi bay ahtiyati kay bais woh tez roshni mein saf nazar anay lagti hain.
    Palkon ko lahriya bananay kay liye mascara kay do coat kafi hain. Is kay liye vend ki madad say palkon ko peechai ki simt mor kar is waqt tak isi position mein rakhain jab tak mascara khushk na hojai. Taham agar aap chahin to curlur bhi istemal karsakti hain laikin is bat ka khayal rakhain kay aap isay sahi terha istemal karain taham palkain lahriya dar to ban jain laikin apas mein chipak kar inhain nuqsan na pohonchay.
    Is ka aghaz uppari palkon ki terha jaron say karain, palkon ko aik minute tak dabai rakhain. Phir curclur ko nichay ki janib markaz tak lay jain aur aik minute tak is maqam par dabai rakhain. Akhir mein isay siray tak lay jain aur wahan nisf minute tak dabain rakhain.
    Is terha palkon mein kham ajaiga laikin ye bat zahen mein rahay kay curlur mein khushk kardainay ki sif hai is liye isay bohot ziyadah mat istemal karain aur khususan ankhon ka makup karnay kay bad to hargiz na istemal karain warna mascara aik musibat ban jaiga.
    Aik dusray kay bohot qarib ankhon kay darmiyan faslay ka ahsas paida karnay ki khatir mascara ki beshtar miqdar in palkon par lagain jo ankhon kay beruni siron kay qarib hain jab kay andruni hisson kay qarib ki palkon par bohot thora ya bil mat lagain.
    Agar aap ki ankhain aik dusray say ziyadah faslay par waqai hain to mascara ki ziyadah miqdar nak kay qarib wali palkon par lagain. Is terha ankhain aik dusray kay qarib nazar anay lagain gi.
    Choti ankhon kay liye mascara kam say kam miqdar mein lagain is terha aap ki ankhain ziyadah khuli aur thori bohot bari nazar anay lagain gi. Laikin agar cahain to nichli palkon par aik izafi coat kardain aur papoton ki crease par ismo ki shedo lagadain.
    Papoton aur palkon ko hamaisha saf rakhaina ur ankhon ko gard o ghubar,chamal aur aludgi say bachain. Ankhon kay gird istemal ki janewali cream ohot garhi bhi hosakti hai jisay jild jasb nahin karpati. Is terha aap ki ankhain sujhi huee nazar anaylagti hain is ki aik wajah yeh bhi hosakti hai kay jin ashia say aap allergic hon inhain hathon say chunay kay bad aap nay wohi hath ankhon par bhi lagadiya hon.
    Taham amuman yeh halat is waqt paish ati hai jab aap kay latnay kay doran jismani sayal ratubat aap ki ankhon kay gird jama hojai aur jab aap uthti hain to yah sayal nichay ki simt muntaqil hojata hai aur aap ki kaifiyat mamul par ajati hai.
    Namal ki kam miqdar khanay ki koshish karain kiyunkay namak ki ziyadti midar badan kay ander pani ko jama rakhnay mein madad daiti hai jo bad mein ankhon kay gird jama hojata hai. 
    Pith kay bal soya karain sak kay nichay uncha takiya rakhain, subha kay waqt mun dhotay huway thanday pani say ankhon ko achi terha dhoain.
    Apna mascara kisi dusray ko hargiz mat istemal karnay dain kiyunkay ankhon ka infection aik dusray kay ander muntaqil hojanay ka yeh asan tarin tariqa hai.
    Mascara lahrain paida karta hai. rang mein izafa karta hai,palkon ko mota karta hai aur ankhon ko khubsurat banata hai isay bari zahanat kay sath istemal karain takay aap ki shakl o surat behtarin nazar aaei.

    Tips In Udu's Articles
    Eat Clarified Butter - Benefits Of Butter Tips
    Importance Of Sleep - Healthy Life Tips
    Eating Carrot - And Be Healthy Tips
    Anger And Fighting - Healthy Tips
    Dieting
    How To Stand Properly
    Some Tips To Remember Before Makeup
    Treatment From Honey Bee - Shehad Ki Makhi Se Ilaj
    How To Cook Rice
    Nabz Shanasi Khahni

    Copyright 2016 www.urduhealth.com...............
    Template by w3layouts