Urdu Health Articles

Urdu Health Articles, Home Treatments, Benefits of Fruits And Vegetables, Homoeopathic Treatments And Tips in Roman Urdu

Home Tips - Gharelo Totkay

Gharelo Totkay Tips: In this page, we will establishing gareloo totkay - Home Tips for you in Roman Urdu. There are many way to clean your home. Women are worried about how clean home and make beatiful. Don't worry here are many home tips (Ghareloo totkay) in Roman Urdu. 

Table of Content
  • Pakistani Gharelo Totkay Tips In Roman Urdu
  • Jagaane Aur Sulaane Wala Ankhon Ka Herat Angez Face Mask Tip In Urdu
  • Home Tips - Gharelo Totkyay In Urdu

    Pakistani Gharelo Totkay Tips In Roman Urdu

    1) Agar aap ke bagheeche (gallery) mein sundion aur ghoonghon ne dera daal diya ho to kheere ke kuch tukre aluminium ke kisi dabbe mein daal ker bagheeche mein rakh deejiye. Un ke keemiai radd-e-amal ke nateeje mein aap ghongon aur sundion se nijaat pa jain ge. 
    (2) Button tootne se mehfuz rakhne ke liye kapre ulte ker ke washing machine mein daliye. 
    (3) Coffee ko sheeshi mein jamne se rokne ke liye sheeshi refrigerator mein rakhiye. Is ke danay aik dusre se nahin juren ge. 
    (4) Balon mein mehndi lagane se pehle us mein chuqandar ka ras shamil ker dene se rang khoob nikhar ker aata hai. 
    (5) Bawarchi khanay ki almari ko chiontion se mehfuz rakhne ke liye khanon mein pisa hua samandri namak chhirak dijiye. 
    (6) Tooth brush bekar ho jain to un se wash basin ki tontion ke itraaf jamne wala mail kuchail asaani se chhuraya ja sakta hai. 
    (7) Coffee dan bad rang ho gaya ho to use namak laga ker dho daliye, saf ho jaye ga. 
    (8) Akhrot aur badaam ke sakht chhilke asaani se torne ke liye unhen raat bhar namkeen paani mein bhigo ker subha hathori waghera se toriye. Akhrot aur baadam ki gari bagher toote puri nikal aaye gi. 
    (9) Jild ke nikhar aur chamak damak ke liye tamatar ka ras aur dahi aik aik chaye ka chamcha mila ker chehre per maliye aur aadhe ghante baad dho daliye. 
    (10) Soup mein muk'khan ya balai shamil ker ke garha na keejiye, us ki jaga makai ka aata (corn flour) ya uble aalu masal ker shamil kerne se soop ziyada mufeed sabit hoga. 
    (11) Khane ki ashiya mein tel kam rakhne ke liye unhen tez aanch per talker frying pan se nikal lijiye. 
    (12) Sehat ka khayal hai to khanay peene ki tayyar ashiya per darj tehreeron ka matlab bhi jaan lena chiahie, maslan un per likhe hue lafz au gratin ka matlab ye hota hai ke iss mein paneer ka saus shamil hai aur tempura ka matlab hai, ise makhan mein tala gaya hai. 
    (13) Rozana taza amrood kha ker aap chand hi roz mein qabz ki shikayat se nijaat pa jain ge. Amrod aanton ke fe’l ko durust ker dete hain. 
    (14) Taveel alalat ya nazla zukaam se nijaat ke baad apne ghar ke drwazon ke handle, bijli ke swich waghera ko kisi jaraseem kush aamezay se poonchh daliye, take un per jamay hue jaraseem ghar ke deegar afrad ko nuqsan na pohncha saken. 
    (15) Swimming ke hoz mein pani ko jaraseem se mehfuz rakhne ke liye shamil ki janay wali chlorine se balon ko nuqsaan pohunchta hai. Is pani mein nahanay ya terneke baad baal taza pani se achhi tarah dho ker in mein conditioner laga len, take wo nuqsan se mehfuz rahen. Aik surat ye bhi hai ke terte waqt baal hifazti topi se dhak liye jain.
    (16) Jis lotion mein contact lenses rakhe jate hain, use har maheene tabdeel ker dena zaruri hai, iss tarah ankhen chhoot se mehfuz rehti hain. 

    Jagaane Aur Sulaane Wala Ankhon Ka Herat Angez Face Mask Tip In Urdu

    Agar aap tuloo-e-aaftab se qabl jaagne mein diqqat mehsus kerte hain to pareshan hone ki zarurat nahin, balke “loomi” name ankhon ka khaas mask khareedne ki zarurat hai. 
    Ye aik esa heart angez mask hai jo khas taur per der se uthne wale logon ke liye banaya gaya hai. Is mask mein se esi chamkeeli roshni kharij hoti hai jo subh-e-sadiq ka masnui mahol peda ker deti hai aur aesa lagta hai jese waqai suraj tuloo’ ho chuka ho. 
    Masnui suraj tulu’ kerne wala ye mask noor ke tarke jagne walon ke liye aik nemat hai. 
    Loomi mask mein roshni kharij kerne wale do aese barq paray lage hain jo aap ke set kiye hue waqt se aadha ghanta qabl hi roshni kharij kerna shuru ker dete hain, rafta rafta ye roshni tez hoti jati hai aur mask pehen-ne wala khudkar alarm ki tez aawaz se pehle hi bedar ho jata hai. 
    Is mask ka ek faida ye bhi hota hai ke ye rat ke waqt sarkon per lage khambon aur dusre barqi aalat ki roshnion ko bhi rok leta hai aur pehen-ne wale per ahista ahista gehri neend tari ker deta hai. 
    Ye raat ki shift mein kam kerne walon ke liye bharpur neend lene mein aasani peda kerta hai. Neez mosami izmahlal ke mareezon ki subha ko khushgawar banata hai. Is ke designer Tailor Hide kehte hain: 
    “Dar-asal qudrat ne hamara jismani nizam iss tarah banaya hai ke ham andhere ke waqt ba-aasani so jaate hain. Aur sooraj ki roshni mein azkhud hamari aankh khul jati hai. “
    Tareeki hamaray dimagh ko sonay kea mal ke liye tayyar karti hai jis se melatonin name harmoon mutaharrik ho ker neend tari kerne mein hamari madad karta hai lekin roshni ki zara si kiran bhi hamari neend mein rukawat peda ker deti hai. 
    Suraj ki qudrati roshni hamaray nizam-e-tahawwul ko fa’aal kerti hai chunanche ham ba-aasani bedar ho jate hain. Alarm ye kam ba-khoobi anjaam nahin de sakte. 
    Is liye ke ye kisi bhi kharabi ke bais aap ki gehri neend tor ker aap ko pareshan ker sakte hain aur ye bhi zaruri nahin ke ye hamesha aap ko sahi waqt per jagatay rahen. 
    Insane hathon se banay tamam alarmon ke bar-aks qudrat ne aap ke jism mein aik aisa khudkar nizam fit ker rakha hai jo andhere aur ujaalay donon mein bharpur tariqe se apna kam anjam deta hai. 
    Ankhon ka ye mask nasirf chahar atraf ki roshnion ko rokta hai balke aap per bohut jald neend bhi tari ker deta hai. Aap ke set kiye hue subha ke waqt se qabl hi iss mask se aisi roshni ka akhraj hone lagta hai jis se mehsus hota hai jese waqai ahista ahista suraj tulu ho raha ho, rafta rafta ye roshni chamakdar hoti jati hai aur bil-aakhir aap ko bedar ker deti hai”. 
    Heart angez technology wala ye mask itna sasta bhi nahin hai. Is ki riyayati qeemat 50 pond se bhi ziyada hone ki tawaqo hai.

    Tips In Udu's Articles
    Eat Clarified Butter - Benefits Of Butter Tips
    Importance Of Sleep - Healthy Life Tips
    Eating Carrot - And Be Healthy Tips
    Anger And Fighting - Healthy Tips
    Dieting
    How To Stand Properly
    Some Tips To Remember Before Makeup
    Treatment From Honey Bee - Shehad Ki Makhi Se Ilaj
    How To Cook Rice
    Nabz Shanasi Khahni

    Copyright 2016 www.urduhealth.com...............
    Template by w3layouts