Urdu Health Articles

Urdu Health Articles, Home Treatments, Benefits of Fruits And Vegetables, Homoeopathic Treatments And Tips in Roman Urdu

Fruits Beneficial For Skin

Fruits For Beauty : It is desire of every woman to look beautiful and charming, that’s why most women wok hard for maintaining and improving their divine beauty. Face has special importance in whole body and this phrase is hundred percent true that people first look at our faces so why we shouldn’t take care of our faces to most possible extent. Its not necessary to use expansive imported creams or face lotions to enhance our beauty, remember beauty obtained from these products is not permanent sometimes even these costly cosmetics and face creams are not able to produce natural glow and freshness on our faces, moreover these products can sometimes produce side effects which can be disaster for your face. 
As you know face represents your internal body condition and state, if some one is suffering from lack of calm enough sleep, she or he might develop dark circles around eyes, tanned lips indicate some blood disorder, weakness, lethargy and fatigue show some digestive problem, internal diseases destroy the beauty and freshness of face, there fore give special attention to your stomach to have pleasant and charming personality. Take wholesome amount of milk, fish, fresh vegetables and fruits in your diet. If you give attention to your diet it will have magical effects on your body and personality.
In this page, you will find how fruits help us for beauty in Roman Urdu.
Banana Benefits, Orange, Grap Fruit, Water Melon, Apple, Papaya Mask, Sangtarah, Peach, Mango, Lemon, Strawberry, Pineapple. 

Table of Content
  • Fruits Sey Husn-o-Khubsurti In Roman Urdu
  • Banana Benefits For Beauty In Urdu
  • Graps Fruit Benefits For Skin In Urdu
  • Sangtarah Benefits For Face In Urdu
  • Orange For Beauty In Urdu
  • Water Melon For Skin
  • Apple For Beauty In Urdu
  • Mango Benefits For Skin In Urdu
  • Lemon Benefits in Urdu
  • Strawberry In Urdu
  • Pineapple Aur Dahi Ka Mask In Roman Urdu
  • Papaya Mask In Urdu
  • Fruits Beneficial For Skin Tips In Urdu

    Fruits Sey Husn-o-Khubsurti In Roman Urdu

    Khubsurat aur hasin nazar anay ki namanna har aurat ki fitrat mein shamil hai yehi wajah hai kay khawatin apnay husn bay misal ko mazid nikharnay aur sunwarnay kay liye din rat jatan karti rehti hai. insani jisam mein chahra khususi ahmiyat ka hamil hai aur phir yeh bat to so fisad sach hai kay log hamara chahrah hi sab say pehlay daikhtay hain to phir kiyun na is ki har mumkina hifazat aur nigahdasht ki jai. Husn ko nikharnay aur isay jila bakhashnay kay liye mehangi aur imported creama aur face lotion ka istamal karna zaruri nahin hai. 
    Khubsurti Husn
    Yaad rahay kay beauty parlours say hasil ki gaee khubsurti daimi nahin hoti aur baz oqat mahangay aur ghair mulki cosmetics aur face cream waghairah istemal karnay kay bawajud chahray par tazgi o shuguftagi ki ramaq bhi dikhaee nahin daiti, baz oqat in products kay side effect bhi ronuma hojatay hain jin kay bais tamam tar husn mand par jata hai.
    Jaisa kay aap janti hain kay chahrah jisam ki andruni halat o kaifiyat ka turjuman hota hai agar kisi ko bay khowabi ki shikayat hai to is ki ankhon kay gird halqay paida hojain gay, honton ka siya hona khun ki kharabi ki alamat hai. susti kahili aur thakan pait ki kharabi ki alamat ko zahir karti hai alawah azin andruni jismani bimariyan chahray ki sari ronaq ko tehas nahas kar daiti hain laihaza apni shakhsiyat ko pur kashish bananay kay liye apnay pait ka khas khayal rakhain apni ghiza mein dudh, machli, sabziyan aur phal aur pani ka istemal wafar miqdar mein karain agar aap apni ghiza par dhiyan dain gi to is kay khush kun asarat aap ki puri shakhsiyat par zahir hongay.
    Phal bani Noh insane kay liye bohot bari namat khudawandi hain. Allah tala nay har phal ko bay panah khowas ka hamil banaya hai hatta kay baz phalon kay chilkay bhi insani jisam kay liye tonic ka darja rakhtay hain aap yaqinan phalon ka istemal sehat o tandrusti kay hasul kay liye karti hon gi ahiye aaj ham aap ko batatay hian kay aap phalon kay zariyeapnay usn ko woh atisha kis terha banasakti hain? Ji han! Aap mukhtalif phalon kay zariye apnay husn mein izafa karkay chahray ko farhat, tazgi aur dilkashi say faizyab kar sakti hain.

    Banana Benefits For Beauty In Urdu

    Agar aap ka badan bohot patla hai to aap rozana do bananas kha kar apni sehat-o-wazan mein khatir khowah izafa kar sakti hain is kay bar aks agar aap ka jisam farihi meil hai aur aap aaj kal dieyting kar rahi hain to rozana aik banana ka istemal bator sweet dish aap kay jism ko matluba ghizayat baham pohonchai ga. 
    Yeh bat ssarasar bay buniyad hai kay khowatin dieting kar rahi hon woh banana, angur ya chicco say hattul imkan parhaiz karain, har phal apnay ander ghizayat ka khana liye huway hai laihaza in say kanarah kashi ikhtiyar karna kisi tor durust nahin hai. Banana khushk jild kay liye bay had mufid hai khushk aur rukhi jild ki hamil khowatin adhay kailay mein aik chamcha shahad achi tarha milalain aur chahrah par lagain bis minute bad chahrah dholain aap ki jild mein chamal aur glow paida hojaiga.

    Graps Fruit Benefits For Skin In Urdu

    Grap fruit kay chilkon mein tail hota hai laihaa inhainmat phaikain. Aik piyalay mein ubla huwa thanday pani lay kar is mein grap fuirt kay chilkon kay chotay chotay tukray karkay dal dain. Isay rat bhar dhak kar rakh dain subha in chilkon ko nichor kar phaik dain aur pani kay chintay mun par marain makup karnay say qabal mun dhonay kay liye bhi yehi pani istemal karain.

    Sangtarah Benefits For Face In Urdu

    Khun Sangtarah ko saf karta hai is kay chilkay bhi faida mand samjhay jatay hain aap in chilkon ko apnay hathon, pairon, kohniyon aur gardan par khub malain aur phir thanday pani say hath pair dholain. Sangtaray kay chilkay jild ko naran-o-mulaim banatay hain.

    Orange For Beauty In Urdu

    Sardiyon mein kiu kay chilkay jama karkay dhoob mein sukha lain aur phir peec kar dabbay mein band karkay khushk jagha par rakhain aap is pwder ko pura sal istemal karsakti hain kinu kay chilkon kay powder ko kachay dudh mein mila kar lap tayar karkay chahray aur gardan par lagain taqriban adhay ghantay bad mun dholain yeh ubtan aap kay chahray par qudrati chamak o ranaee paida karay ga.

    Water Melon For Skin

    Water melon ba qaida istemal chahrah kay dagh dhabon ko dur karta hai amuman kharbuzah istemal karnay kay bad is kay bijon ko phaink diya jata hai. Ham aap ko kharbuzay kay bijon ka aik asan ubtan banana batatay hain jis ka istemal na sirf kil mohason kay khatmay kay liye umdah tarin hai balkay chahray kay ghair zaruri balon say nijat hasil karnay kay liye bhi behtarin hai.
    Water melon kay bijon ko dhokar dhup mein sukhalain, kharbuzay kay beej, sangtaray kay chilkay, sonf aur joka ata, charon chizain ham wazan lain aur inhain barik peec lain. Hasbe zarurat powder mein araq gulab mila kar garha paste banalain aur chahray par malain. Pandrah minute tak ubtan cahray par malti rahain phir mun dholain haftay mein tin martaba yehi amal dohraye.

    Apple For Beauty In Urdu

    Mashoor maqula hai kay razana aik apple ka istemal doctor say dur rakhta hai. Subha nashtay mein apple ka istemal din bhar tawanaee aur chusti pohonchanay ka sabab banta hai. Apple mein mojud iron insani jisam kay liye bay had mufid hai jis terha saib aap kay jisam ko mazbut aur tawana banata hai waisay hi is ka istemal bator mask aap kay chahray ki kashish o narmahat mein mazid izafa karay ga. Chikni jild ki hamil khowatin apple ko kaddu kash karkay chahray par lagain. 10-15 minute bad mun dholain is say chahray ki chiknahat ka khatima bhi mumkin hai.

    Mango Benefits For Skin In Urdu

    Adha pao aam kay ras mein aik chamcha gai ka dudh, aik chamcha adrak ka ras aur adha chamach shahad mila kar pi lain musalsal do mah tak yeh amal dohrain afzaish khun kay liye yeh amal aksir ka darja rakhta hai. Madah ki safaee hoti aur chahray par tazgi aur ronaq bhi paida hoti.

    Lemon Benefits in Urdu

    Rozana nihar mun aik glass nim garam pani mein adha limon aur aik chamcha shahad milakar pinay sayjisam mein mojud tezabiyt ka khatima hota hai, jhayan dur hoti hain, motapay ka khatima hota hai aur rangat nikharti hai jin khowatin ki ankhon kay gurday halqay pargaey hain woh limon kay chilkon ko barik peec kar kisi bhi cream mein hasbe zarurat mila kar halqon par lagain chand hi dinon mein halqay madham hojain gay. 
    Lemon ka ras, araq gulab aur glysrine ham waan lay kar inhain aik bartan mein achi terha yakjan karlain rozana rat ko ruee ki madad say is amazay ko cahray par lagain is kay alawah hathon aur kohniyon par bhi laga sakti hai. Subha mun hath dholain chand hi dinon mein rangat gulab ki manind khil uthay gi chahray say kil mohason ka khatima bhi hoga.

    Strawberry In Urdu

    Do tin strawberry mein do khanay kay beej jo ka ata, adh chamach shahad aur aik chamach araqe gulab in tamam ajzah ko achi terha mila lain aur chahray par lagain. Pandrah minute bad hathon par thora tail laga lain cahray sy strawberry scrap utarlain agar aap thoray say scrap ko chahray par ragrain gi to masamat say tamam mail kuchail nikal aaey ga.

    Pineapple Aur Dahi Ka Mask In Roman Urdu

    Do chamach basan mein aik chai ka chamach dahi,aik khanay ka chamach kuchla huwa annanas aur dahi ka mask rukhia ur bay ronaq jild par ranaee aur tazgi ka ahsas paida karta hai.

    Papaya Mask In Urdu

    Khushk jild ki hamil khowatin hasbe zarurat papita katnay ki madad say kuchal lain is mein anday ki zardi aur aik chamach orange chilkon ka powder mila kar yakjan karlain is mask ko chahray aur gardan par lagain aur pandrahminute bad mun dholain dhili jild kas jaigi aur rangat par par bhi khatir khowah asar paray ga.

    Tips In Udu's Articles
    Eat Clarified Butter - Benefits Of Butter Tips
    Importance Of Sleep - Healthy Life Tips
    Eating Carrot - And Be Healthy Tips
    Anger And Fighting - Healthy Tips
    Dieting
    How To Stand Properly
    Some Tips To Remember Before Makeup
    Treatment From Honey Bee - Shehad Ki Makhi Se Ilaj
    How To Cook Rice
    Nabz Shanasi Khahni

    Copyright 2016 www.urduhealth.com...............
    Template by w3layouts