Urdu Health Articles

Urdu Health Articles, Home Treatments, Benefits of Fruits And Vegetables, Homoeopathic Treatments And Tips in Roman Urdu

Relaxation In Anger Environment

Relaxation In Anger Environment: Here you will read about Relaxation In Anger Environment in Roman Urdu

Table of Content
  • Relaxation In Anger Environment In Roman Urdu
  • Relaxation In Anger Environment

    Relaxation In Anger Environment In Roman Urdu

    Mashk kay sath aap kay mahaiz zahni tawajja markooz kar kay jisam kay mukhtalif hissao main pur sukoon honay kay mahsoosat paida karnay kay kabil ho jatay hain. Is silahiyat ko waqayatan apnay liye kaar amad bananay kay liye aap mushkil surat main khud ko pur sukoon banana seekh saktay hain.aisa karnay kay liye aap ko mutadid tasuwaraty manazir tashkeel daina hungay jo aap ke mashk ko mustahkim karain gay.tasawur karna aik technique hay jisay mahireen e nafsiyat apnay marezoon main mukhtalif kisam ke mahratain paida karnay kay liye istaimaal main latay hain is main mareez ke kuwat mutkheelah ko boroy e kaar laya jata hay.isay istaimaal karnay kay liye aap pehlay do manazir takhleek kartay hain jo aam taur per aap ko gussa dilatay hain.in manazir main say aap zahni taur per guzartay hain.jab aap in manazir ka tasawur kar kay gussay main bhar jatay hian tau pher mazkoorah mashkoon kay zarye khud ko pur sukoon karnay ke koshish kartay hain.gussa dilanay walay manazir takhleek karnay kay liye choty se film kay musanif ban jaen.har manzar takreban aik safhay per mushtamil ho.is main aisay wakayat ya suratay haal ka khaka ho jo aap ko taizy say gussay main mubtilah kar daitay hain.jab aap manazir likhain tau in main tamam aham tafselaat shamil karain maslan mukamat,awazain,boo,logon ke eshtiyal angaiz batain aur aap kay apnay mahsoosat.pehla manzar aap ke zindagi ka koye aisa wakaya ho sakta hay jo mutadil kisam kay gussay ka sabab bana ho,dusara manzar hakeky zindagi ke koye aisy suratay haal ho sakta hay jo aap ko sadeed gussay main mubtelah kar daity hay.mandarja zail waqaya advertising agency kay executive nay likha hay jo mazkoorah mashk kay liye phalay manzar kay taur per tahreer kiya gaya.

    “yai aik mamool ka din hay.main office janay kay liye gari main baitha usay khud drive kar raha hoon.main apanay office main 5 minute kay kareeb takheer say pohchta hoon.mary boss “marina” mujhay apnay office main talab karty hay.is ka office bohat bara hay aur is main khakastary kaleen bicha hoa wa hay.diwaron pay safayd paint hay aur in pay kishtiyoon aur behry jahazoon ke mutadid tasaveer awaizaan hain.wo apanay mamool kay sayyah business suite main malboos hay jab kah chehray per gahry sanjeedgey tari hay.chunkay marina ko maira nigraan banay abhe aik saal howa hay.is liye main is say ziyada afham o tafheem nahi rakhta.wo hamaisha is koshish main masroof mahsoos hoty hay kay maira shoba khatam karnay karnay ka koye jawaz talash kar sakay.maray shobay ka budget km kar diya gaya hay.is kay natijay main maray kuch achay karkun sathy malazmat say farig kar diye gaye hain.is wajah say main abhe tak marina kay liye gussay kay jazbat rakhta hoon.sirf yai he nahi marina ko shikayat hay kay hum maiyari kam paish nahi kar rahay hain.yai baat khas tauor per na munasib hay kiyon kay kar kardagy kay mukablay main hamaray wasail km kar diye gaye hain.main marina kay daftar main dakhil hota hoon.wo mujhay apni lamby chori maiz kay dusri taraf baithnay kay liye kehty hay.maray baith janay per wo kehty hay kay mara shuba khatam khatam kiya ja raha hay.yah baat suntay he main apnay kandho main tanao mahsoos karnay lagta hoon.maray mayday main bhe enthan shuru hojaty hay aur mujhay matly se mahsoos hoty hay.main bary mushkil say apnay gussay per qaboo pata hoon lakin mara dill chahta hay kay gussay say phat paroon aur mariya ko khoob sunao.main apnay aap say kehta hoon.yai sara sar ziyaty hay,dar asal yai mujhay aziyat daina chahty hay.maray zaihan main yai khayal bhe ubharta hay kay marina aur dusri manegers company ka hajam kam km karnay ke sazish kar rahay hain aur bala akhir mujhay bhe malazmat say mahroom kar diya jaye ga…main apnay bill kahan say ada krunga?...maray bachoon ka kiya banay ga?main puri kuwat say cheekhna chahta hoon lakin baitha rahta hoon,suntan rahta hoon aur khud ko khamoshy say sulagta howa mahsoos karta hoon.

    Dusaray manzar main naihayat sangeen suratay haal ubhar sakty hay.yai hakeky zindagi say talook rakhta hay lakin is main jis qadar chahain mubalgha araye kar saktay hain aur jis qadar chahain sangeen suratay haal tasawar kar saktay hain.darj zail manzar mister maels say talook rakhta hay.isay driving kay doraan gussa ajata hay aur yahe is kay masail main say aik hay.aye yai daikhtay hain.dusaray manzar isenay murattab kiya hay.is main gussay ke shidad kaise hay? “main aik sham daftar say wapis ghar a raha hoon.aaj bohat garmy hay.abhe suraj gurrob howa hay aur mary kameez pasinay say sharaboor maray jisam say chupky hoye hay.driving kartay hoye main mahsoos karta hoon kay maray agay traffic sust hoty ja rahe hay.main daikhta hoon kay agay sarak par maramat ka kam ho raha hay.main ahistah ahistah gari chala raha hoon aur is intaizar main hoon kay marammat ka elaka khatam hojaye aur tarfic main rawani ajaye.achanak maray gari kay pahloon main pechay say aik gari namodar hoty hay.aur sarak kay is hissay main ajaty hay jis hissaymain driving karna mamnoo hay.maray pathhon main tanao ajata hay aur main khud say kahta hoon yai sara sar galat bat hay.is gari ka driver musal sal isay mary gari kay agay lanay ke koshish karta hay.main isay nazar andaz kar daita hoon aur seedha chalta rahta hoon.wo haron bajata aur pher mujh per cheekhnay lagta hay.main issay mazeed nazar andaz karta hoon aur khud say kahta hoon:” “yai admi gadhoon jaisa rawaiya ekhtiyar kiye hoye hay,achanak wo admy gari say sar bahir nikal kar mujh per thuk daita hay.pher cheekh kar kahta hay.bahir niklo pher tumhay mazah chakhaon.ab mara jisam gussay say kanpnay lagta hay.main javab dainay per taiyar ho jata hoon aur sochta hoon gari khari kar kay is say do hath karloon”. Jab apnay gussay kay manazir likh lain tau inhain tape recorder main record kar lain.yai aap kay liye ziyada madad gaar sabit hota hay.bad main jab aap apnay gussay main kami lanay ke mashk kartay hain tau issay soun kar gussay ke kaifiyat paida kar saktay hain.in manazir ko istaimal karnay ke ebtadaa kartay hoye sab say pahlay koye khamosh gosha talash ke jiye aur khud ko pur sukoon karnay ke wo mashk ke jiye jo aap guzishta do haftoon say kar rahay hain.jab aap khud ko pur sukoon mahsoos karain tau gussay kay pahlay manzar main khud laen aur kadam ba kadam is ka tasawur kartay chalay jaen.aap pani madad kay liye taoe recorder ka istaimaal kar saktay hain.jaisay jaisay is manzar ko sunain,koshish karain kay isay mahaiz farzi waqaya na samjhain balkay hakekatan mahsoos karnay ke koshish karain jaisay waqaye aap per yai san guzar raha hay.apnay gussay aur tanao ko khoob bharnay dain.khud ko bakaida gussay main mahsoos karain.apnay jisam main tanao aur barhamy ke kaifiyat paida karain yahan tak kay aap kay dill ke rafter taiz hojaye.sans main taizy ajaye aur zahan sulagnay lagy.jab manzar mukammal hojaye aur ap apnay jisam main tanao aur gussay ke kuch na kuch kaifiyat paida kar lain tau aik bar pher pur sukoon karnay walil mashk karain.apnay jisam kay mukhtalif pathhon per tawajja dain.unhain garam,bhari aur pher dheela honay dain ta kay yai kafiyat aap kay puray jisam main seraiyat kar jaye.jab aap apna tanao kam kar lain aur khud ko pur sukoon mahsoos karain tau aik baar pher pahlay manzar ka tasawur karain.apnay gussay ko bharak uthnay ke ejazat dain jis tarhan pahlay aap manzar nama agay bharnay kay sath sath kar chukay hain.jab puray manzar say guzar jaen aur gussa mahsoos karnay lagain tau aik baar pher pur sukoon honay ke mashk dohraen,yahan tak kay mukaml taur per pur sukoon ho jaen.har nashist main aap gussay main anay aur pher pur sukoon honay ka amal mutaba dil andaz main teen dafa kar saktay hain.aap ke mashk ke nashist kuch is tarhan ke. (1)- pur sukoon karnay wali mashk ka aghaz is kay baad gussa paida karnay walay manzar ke samaat aur pher khud ko pur sukoon karna. (2)-gussa paida karnay wala manzar…is kay bad khud ko pur sukoon karnay ke mashk aur pher (3) gussa paida karnay wala manzar aik baar pher dohraen aur pher pur sukoon baksh mashk karain.hamaisha ebdidaa aur ekhtetam pur sukoon karnay wali mashk say karain.

    Anger's Articles
    Suppress Anger
    Way Of Calm Down In Anger
    Different Steps Anger Changes In Attitude
    Anger Changes In Attitude
    Control Your Anger
    Anger Lesson Of Moral
    Anger Increases In Temperament
    Deterioration In Troubles
    Moral Act Of Anger
    More Ways Of Controling Anger

    Recent Articles

    Hemorrhoids

    Cushing Syndrome

    Health Information

    ..........

    Copyright 2016 www.urduhealth.com...............
    Template by w3layouts