Urdu Health Articles

Urdu Health Articles, Home Treatments, Benefits of Fruits And Vegetables, Homoeopathic Treatments And Tips in Roman Urdu

Disputing Irrational Beliefs

Disputing Irrational Beliefs: Here you will read about Disputing Irrational Beliefs in Roman Urdu

Table of Content
  • Disputing Irrational Beliefs In Roman Urdu
  • Ghair Mohqil Aquaid Jagary
  • Disputing Irrational Beliefs In Urdu

    Disputing Irrational Beliefs In Roman Urdu

     

    Sab say pehlay jo tareeka ya technique aap istamaal kar saktay hain,issay hum dibs kehtay hain.is say muraad disputing irrational beliefs yanee gair makool khayalaat ko parakhna aur zere behas lana.yeh tareeka aap ko laage bandhee sochon main say kisee aik ko munazam andaaz main parakhna aur baar baar mustarad karnay kay leya kayel karta hay.yahan tak kay aap is say azaad hojatay hain. Rebt kay mutaad degar tareekon ke taraha aap dibs ko rozaana kam az kam 10 minute tak musalsal 20 ya 30 dinon tak zeray mashk rakh saktay hain.tahum yah zaroree nahe.aap is say kabhe kabhar bhe karsaktay hain.main (alis albert) nay is technique ka khaka ‘‘how tau live with a neurotic’’ kay akharee baab main aur rebt institute kay aik alag pumpflate main bhe shaya keya hay.is say istafadah karnay walay loog apnay bharpoor itmenan ka izhaar kar rahay hain.is technique kay khado khaal kuch is taraha hain.aeya aik baar phir yah farz kartay hain kay jeck aur john aap kay sath aik apartment main saajha daree kay sath rehnay ka wada keya.ssp ko targheeeb de kay aap is ko furniture aur degar asheya-e-zarorat kay sath rehnay kay kabil bana dain tau iska karaya ka aik hissa ada kardain gain.lakin phir wo namunasib andaaz main gair zimadaree kay sath apnay moahedaa say munharif hojatay hain. Tau na aap kay sath naye apartment main muntakil honay par taeyaar hotay hain aur na aap kay ikhrajaat kay nuksanaat ke talafee karnay par amada hotay hain.aap ko in par sakhat gussa ata hay lakin phir jald he aap yah daikhtay hain kay rebt ke abc model main b yanee aap ke sooch gair makool hay jo aap ko gussay main mubtelaa kartee hay kay….‘‘unhain maray sath na munasib salook kata-an nahe karna chahiye tha”.ab aap dib main apne sooch ko chellange kartay aur zere behas latay hain.aap khud say mundar zail sawalaat kartay hain (munasib yahe hay kay aap apnay sawalaat aur unkay jawabaat tehreer kar lain takay baadaza unpar nazar saane ho sakay aur un main tarmem-o-islah kar sakain). 

    Sawal:konsa khayal(sooch) gair makool hay jis say main chellange karna chata hon taka is say tark kar sakoon?
     Jawab:unhain maray sath na munasib salook kata-an nahe karna chahiye tha.

    sawal:keya main is sooch ke makooleyat talash kar sakta hon?
    Jawab: Nahe maray khayal hay kay main aisa nahe kar sakta

    Sawal:lakin is sooch kay gumrah kun ya gair makool honay ka keya saboot hay? 
    Jawab: (1) Shayad unka salook kuch itna namunasib bhe nahe.yeh sahee hay kay is tarzay amal ko mukamal taur par ghalat aur gahir zimadarana samjhta hon. Lakin mumkin hay kay wo dosray loog is mamlay ko kisi aur nazar say daikh rahay hon.aur mumkin hay unkay nukta nazar ka koe jawaaz bhe ho.is leya mujhay unke gahir zimadaree aur ghalat tarzay amal ka 100 feesad yakeen nahe.(2).bilfarz main ikhlakey aitabaar say yah sabit karsaktaa hon tarzay amal ghalat aur gahir munseefana tha lakin kaenaat ka konsa asool kehta hay kay wo behar haal main aur har surat main maray sath sirf yahe salook kar saktay tha ya kay unhay behar surat aik acha tarzay amal apnana chahiye tha.agarcha main aur dosray loog unkay tarzay amal ko durast nahe keh saktay lakin unkay leya aisa na karna he keyon zaroree tha?Keya wo kisi naye suratay haal say dochaar nahe hosaktay?(3).agarcha unhain maray sath gair munsefana nahe…balkay… munsefana salook karna chahiye tha.aisa na karnay say wo kab tak gurezaa reh saktay thay.unhon nay joo kuch keya behar haal usaka koe jawaz tau nazar nahe ata.(4).jab main khud ko kehta hon kay…unhain maray sath aisa salook nahe karna chahiye tha.tau uskay manee maray nazdeek hakekatan aisa hain.(alif)unhon nay maray sath jis wakat yah salook keya us wakat keya halaat nahe honay chahiye tha joo mojood tha…(bay)aur agar aisa halay mojood tha jinhon nay unhain yah tarzay amal ikhteyaar karnay par mojoor keya tau wo kab tak mozehmat kar saktay tha.hamaray moahedaa kay takazay apnee jaga mojood hain lakin lakin unkay halaat kay takaza kuch aur hoga.mumkin hay kay unkay walaydain nay is baat ke sakhtee say mukhalefat ke ho,chunacha unhon nay is moaheday say inharaaf ka faisla karleya ho.chunacha jab main yah kehta hon kay… …unhain maray sath yah namunasib salook nahe karna chahiye tha tau uska matlab hay kay main israr kar raha honk ay unkay waledain ko mukhalefat nahe karna chahiye the.lakin main is kanoon aur zabtay kay tehat unkay walaydain ko aitaraaz ya mukhalefat karnay say rook sakta hon.isi tarahan main inhain apnay waaydain ko nazar andaz karnay kay leya kesa keh sakta hon.kudratee baat hay,main aisa nahe kar sakta.(5).yeh mutalebah kartay howay kay inhain maray sath yah namunasib salook nahe karna chahiye tha main is sooch ka muzahera kar raha hon chunkay wo asoole taur par yah namunasib tarzay amal nahe apna saktay tha chunacha inhain amlan bhe aisa nahe karna chahiye tha lakin yah bayaan wazeh taur par gair muntakee hay.iska nateeja muntakee aitabaar say apnay mukadmain say bahir hay.yeh baat chahay kitnee durasat ho kay asoole taur par inhain yah tarzay amal nahe ikhtayaar karna chahiye tha,lakin iska yah matlab kat-an yah nahe kay amlan bhe inhain aisa karna chahiye tha.(6).yeh mutalebah kartay howay kay inhain maray sath munsefana salook karna chahiye tha main is pukhta sooch ka izhaar karraha hon kay…chunkay mai shidat say khowahish mand tha kay wo maray sath yah salook karain inhain bahray surat yahe karna chahiye tha.lakin sirf meri khowahish naguzeer nahe.inkay samnay kuch aur majbooreyan bhe hosaktee hain jo unkay nukta nazar say naguzair hon.7.meri soch kay aik pehlo say yah bhe mehsos hota hay kay chunkay mai inkay sath tamam tar mamlay main umda tarzay amal ka muzahera keya hay chunacha inhay bhe har haal main y sath umdah tarzay amal apnana chahiye tha.yakenan yah bhe yaktarfa khowahish hay.8. Main inhain buray loog samjhta hon keyon kay unhon nay maray sath bora salook keya hay.lakin chahay main har aik ko itmenan bhe dila don kay unka salook maray sath bhadda aur namunasib tha.phir bhe maray leya inhain mukamil taur par buray log karar dena jaaez nahe hoga.yakenan in mian achay osaaf bhe hain chunacha main kis taraha jaaez taur par keh sakta honk ay wo achay loog nahe hain.9.jab main yah kehta honk ay unhay maray sath yah namunasib salook nahe karna chahiye tha…. Tau‘‘chaheya” kay lafz istamaal karkay main kataee mutalebay ka izhaar karta hon. Main akhir yah keyon nahe klehta kay unhain mera sath munasib salook ko tarjeh dana chahiye the,ya agar wo mera ya dosron kay sath munasib tarzay amal apnatay tau apnay leya aur society kay leya achay natayaj ka zareya sabit hotay.10.main apne is sooch ke takat sabit nahe kar sakta kay.unhain mera sath namunasib salook nahe karna chahiye tha.lakin yah sabit karsakta hon kay is taraha sochta raha tau pora imkaan hay kay main insay shaded naraz honga aur is maamlay ko ya kisi nayaa maamlay ko unkay sath behtar andaaz main mukamil nahe kar sakoon ga.agarcha mere gussa paida karnay walee sochain nakabilay sabot hain lakin inkay sangeen nataeyaj baramad hokar khud ko sabit kartay rahain gain.11.yeh motalebah karkay kay unhain mera sath munasib aur umdah salook karna chahiye tha. Main yah zahir karaha hon kay main unkay namunasib salook nko bardasht nahe karsakta aur sirf issi surat main zinda aur khush-o-khuram reh saktaa hon kay kaenaat ke koe kuwat unhain mera sath namunasib salook ke islah aur talafee par majboor karay aur wo mera sath theek bartaoo shuru kardian. Zahir hay kay sochain mazaheka khaaz hain.main inkay tarzay amal ko pasand tau yakenan nahe karta lakin main is say bardasht kar sakta hon.agar main ahmakana taur par khud ko gussay main rakhna khatam kardoon tau is tarah ke bad mazgeyon kay bawajood,maze main bhe paida hote rahee hain aur mustakbil main bhe paida hote rahain gee,main aik taweel aur khush gawaar zindage guzaar sakta hoon.

     

    Ghair Mohqil Aquaid Jagary

    Sawal: keya mere sooch ke sadakat ka koe sabot mojood hay kay jack aur john ko mera sath yah namunasib salook nahe karna chahiye tha aur jo kuch unhon nay keya wo unhain ganda loog karar deta hay.

     Jawab: nahe mera zahan main koe maakool sabot nahe ubharta.main assane kay yon kar sakta hoon kay unkay namunasib rawaeya kay kawaif pasih karon.kuch aur logon ke raye hasil karlon jo ussay namunasib karar dain sakain.agarcha main jayez taur par yah mookaf rakhta honk ay un ka tarzay amal ganda tha lakin is tarzay amal ke bunyaad par unhain ganday loog karar dena mushkil hay.unkay baray main mere sooch ko juzwee taur par hee durast samjha jayega.lakin uska ahama tareen pehloo bhe mubalegha araye par mabnee aur gair hakekee tasawar keya jasakta hay.

    Sawal: agar jack aur john mera sath namunasib tarzay amal jaree rakhain tau mera leya konsee buree batain ronamaa batain hosaktee? 

    Jawab:1.main nay jo wakat,paisa aur tawanaee kharach ke hay.uske talafee nahe hosakay gee.unhon nay wada keya tha kay wo akhrajaat main mera boojh bantain gan lakin agar ab wo moahedah say munahrif rahtay hain tau mera nuksaan aur pareshanee barkarar rahay gain.2.mumkin hay wo logon ko hamaray darmeyaan ikhtalaaf ka aik khud sakhta tasur dain.logon ko bawa karain kay unhon ny tau theek amal dara amad keya lakin main nay gahalat tareekay ikhteyar keya.is tarah main badnaam hojaoga aur mere shohrat daaghdaar hojaege.3.wo mujhay na pasand kartay rahain gain aur shayad dosron ko bhe maray khelaaf bharkaain gain.is taraha mere mushkilaat main ezafa hojaya ga.4.naya apartment main mera akelay rehna ya phir kisi aur ko shareek karna mujhay barhum karta rahay ga keyon ka mujhay yah baat yaad aten rahay gee kay jack aur john na mera sath us apartment main shirkat ke bunyaad par rahnay ka moahedah keya tha.aur phir mujhay nuksaan pohanchanay kay baad wo moahedah say munahrif hogae.5.agar anay walay wakat main aik taweel arsaa tak mera aur unka samnaa hota raha tau mujhay un par taoo ata rahay ga aur chahay humaray ikhtalafaat ka kor bura bhala hal nikal bhe aye tau tab bhe hum aik dosray kay leya dilon main talkhee rakhain ga aur dostee aur aitamaad ke poranee satah kabhe bhe bahaal nahe hosakay gee.yeh tamam batain agar ronama hotee hain tau boree tau hogee lakin unhay khofnaak aur dahshat naak nahe kaha jasakta.main unhay bardasht karsakta hon aur unkay bawajood aik khushgawaar zindage guzaar sakta hon.

    Sawal: Agar jack aur john mera sath namunasib rawaeya barkarar rakhtay hain aur main unhay aisa karnay say nahee rook sakta tau uskay bawajood koon se ache batain ronama hosaktee hain ya main unhay ronama kar sakta hon.

    Jawab: (1) Main unka samna karka aur hawee honay kee hikmat amlee apna kar kuch na kuch hasil kar sakta hon.main chahay nakaam rahon lakin unhain amadah karnay ke koshish karsakta honk ay wo mera sath apna rawaeya aur tarzay amal tabdeel karain. 

    2. Naeya apartment main,main khud he barhay mazay say rehna lagon ga ya phir kisi aur ko apna sathee banaloo ga joo ikhrajaat main mera sath day.

    3.Un logon kay sath main jo wakat aur tawanaee jo kharch karaha hon wo dosron kay sath dostee paida karnay main sarf karon ga ya phir khud ko dosray tareekon say khush-o-khuram rakhon ga.

    4.Main apne behas-o-mubahissa ke silahiyat aur dosron ko kayel karnay ke ahleyat barowa kaar latain howay koshish karon gay kay jack aur john ko aik behtar zaweya say mamlaat daikhnay par amadah karon aur apnay leya un kay namunasib rawaeya ko tabdeel karon.

    5.Un kay sath namunasib suratay haal ko apnay leya challenge banlon. Apna rawaeya ko parkhon.ache tarah samjho kay jab loog mera sath munasib salook nahee kartay tau main apna gussay kay jazbaat bharka leta hon. Gussay paida karnay walee apnee soch main tabdelee laon.khud ko ziada tameere ikdamaat kay leya taeyar karon aur mustakbil main jab loog mera sath namunasib rawaeya ikhteyaar karain tau ishtaal main akar tabah kun ikdamaat say guraazan raha karon. Jab nuksaan dah aur napasandeda suratay haal paida hotee hay tau dibs technique gair makool sochon ko parakhnay kay chand aham pehlon ke tashkeel kartee hay. Yeh makhsos kisam kay sawalaat kay zareya in gair makool sochon ko zeray behas lana ka munazam tareeka hay jo c ke surat main aap ko jazbate taur par pareshan kartay hain.iskay zareya aap khud ko mamool par laatain hain.aap dibs technique ko iztaraab, depression, mayoosee,khudtarahmee aur ishtaal kay jazbaat obharnay main istamaal kar saktay hain.aap nay khud bhe mehsos karleya hoga kay yah technique aik humahang aur bazabta nukta nazar ke hoslaa afzaee kartee hay.iska maksad yahee hakay aap bakaedagee say istamaal karain takay aap ko pata chalta rahay kay aap pehlay kay mokabilay main aap ke soch main keya behtaree ate hay aur ab issay kis kadar thoos bana chukay hain.

     

    Anger's Articles
    Suppress Anger
    Way Of Calm Down In Anger
    Different Steps Anger Changes In Attitude
    Anger Changes In Attitude
    Control Your Anger
    Anger Lesson Of Moral
    Anger Increases In Temperament
    Deterioration In Troubles
    Moral Act Of Anger
    More Ways Of Controling Anger

    Recent Articles

    Hemorrhoids

    Cushing Syndrome

    Health Information

    ..........

    Copyright 2016 www.urduhealth.com...............
    Template by w3layouts