Urdu Health Articles

Urdu Health Articles, Home Treatments, Benefits of Fruits And Vegetables, Homoeopathic Treatments And Tips in Roman Urdu

Anger Plans And Attitude Differences

Anger Plans And Attitude Diffrences: Here you will read about Anger Plans And Attitude Diffrences In Roman Urdu

Table of Content
  • Anger Plans And Attitude Differences In Roman Urdu
  • Anger Plans And Attitude Differences In Urdu

    Anger Plans And Attitude Differences In Roman Urdu

    Plans and attitude diffrences   

    Aik aura cha tareeka jo aap soch aur rawaiye kay liye istaimal kar saktay hain.isay victor frinkle matnakis iradah paradoxical intention kahtay hain.bohat say mualejeen isay mukhtalif andaz main aistaimal kartay aur isay mukhtalif name daitay hain.rebt main hum isay gair makool khayalat ka mahmil banana ke technique kahtay hain.aap kese soch ya tasawur ko lay kar isay mutnakis iradahy ke technique kay tahat km ya ziyada kar saktay hain.yai kam asal soch ya tasawur ko mubalgha araye say barh chahar kar ya pher mamoly aur gair masnar karar day kar kiya jata hay.maslan aap chahtay hain kay koe shakhs aap ka koye kam karay lakin wo tawun karnay say inkar kar daita hay.chuna cha aap ko gussa ajata hay.aap is per kaboo panay aur etaat guzar banany kay baray main mubagha araye say kam laytay hain. “bila shubah usay wo kuch karna paray ga jo main is say kar wana chahta hoon.mujhay is kay tarz e amal per mukamal ikhtiyar hay.agar wo mujhay kahta hay kay main tumhay khush karnay kay liye jangla phalang sakta hoon aur pher kudnay say inkar kar daita hay tau main usay zanjeeron main jakar kar koray laga sakta hoon usay us wakt tak marta rahunga jab tak wo bar bar us unchay jhanglay ko nahi phalangta.hakekat yai hay kay agar main chahoon kay wo mujhay 10 lakh dollar day ya pher maray samnay rozana 10 bar zameen per lot pot hoto is kay pass mary bat mannay kay elawah koye rasta nahi hay.kiyon kay main isay kuch bhe karnay kay liye kah sakta hoon.wo maray samnay majboor hay aur maray hokum ke sartaby nahi kar sakta.lakin agar wo inkar karta hay tau main foran us per aisy bijly gira sakta hoon kay wo duniya bhar main zalil aur ruswah ho jaye.”Agar aap kese per kaboo ekhtiyar rakhnay kay hawalay say aise entaiha darjay ke musnahka khaiz soch rakhtay hain tau natejah kya niklay ga?Aap bohat jald daikh lain gay kay dar hakekat aap ko is per koye ekhtiyar nahi aur wo haq rakhta hay kay apni marzi kay mutabik jo chahay karay.yahan tak kay apnay is haq ko istaimal kartay hoye najaiz taur per aap kay liye mushkilat khari kar daita hay.aap daikhain gay kay insane fitrat is andaz main nahi paye jaty jis andaz main rahnay kay liye aap hokum daitay hain.chuna cha aap apni is tarhan ke musnakah khaiz sochoon aur ahmakana kisam ke hakimiyat kay tsawur ke islah shuru kar daitay hain.aap apni ahmakana tawaqayat tark kar daitay hain kay log hamaisha wo karain gay jo aap chahatay hain.jis tarhan aap mazkoorah mutnakis eradha ko apnay zahan main nashunuma day saktay hain.is tarhan is kay ulat bhe kar saktay hain.aur isay apnay rawaiye main la saktay hain. “main yai kardunga.main wo kar dunga”ke bajaye…main bardasht karunga…nazar andaz kardunga”jaisy soch ko havy kar kay gussay ke aag ko sard kar saktay hain.aap apnay rawaiye main is ka istaimal mutazad andaz main bhe kar skatay hain.agar log aap say na munasib salook kartay hain aur aap is tarz e amal per sakhat gussay main a jatay hain tau inhain saza dainay kay mukhtalif mansubay sochay ke bajaye jaan boojh kar khud ko majbor kartay hain kay mutazaat rawaeya aur rastay ikhteyaar kartay howay unkay leya shaista aur gair moaandana tarzay amal ikhteyaar karain.maslan aap unkay sath mukhtalif andaza main dostana rawabeta barkerar rakhain unhay dichasp takrebaat main madoo kartay rahain.un par khasosee nawazeshaat aur meharbaneyon ka silsila bahaal rakheya.husnay salook main gair mamolee andaaz ka muzahira kejeaya.is taraha mutazaad(ya bazahir mubhum)rawaeya apna kar sab say pehlay khud ko gussay kay bajaye mamol kay mutabik rakhnay ke mashak karain.dosray marhalay main aap “dosra gaal paish karnay” kay andaaz main un kay samnay achey misaal kayam karain.aur unhay dikhaain kay aik fard kay namunasib tarzay amal par zaroree nahe ka dosra fard  bhe main ajaye teesray marahlay main aap unko is baat par raghib kar saktay hain kay wo apnay rawaeya par nazar saanee karain aur daikh lain ko unhoon nay aap kay sath kitna bura rawaeya ikhteyaar keya.aur aakhir main aap kay sath durast rawaeya rakhain ga balkay is had tak jaain ga kay apney sabkaa ziadateyon ke telafee karain ga.hum is behas main nahe partay kay“dosra gaal bhe paish kardeya jae” ke philosophy hamasha kameyaab rehte hay ya yah bilatafreek danishmandee hay.lakin hamara kehna yahe hay kay agar aap is hikmatay amlee ko danishmandee say apnaain aur ache taraha samjhtay honk ay is mokay par iska istamaal zaroree hay tau zaror istamaal karain.aap nuksaan main nahe rahain ga.lakin issay mamol nahe banaain kay jahan aap ay kisi nay ziadatee ke aap wahen is hikmatay amlee par chal paray.kuch loog issay aap ke kamzoree aur apne jaeyaz baladastee samjh kar aap ke zaatee azadee ko bhe khatray main daal dain ga.mokaa mehal ke nazakat ko bhe samjhna zarore hay.iskay mutabik amal aap kay gussay kay jazbaat ko tehleel kardata hay.mutnaakaz iradah,insane zid aur sarkashee kay khelaaf bhe mosar tareeka say kaam karta hay.loog aap kay sath namunasib rawaeya ikhteyaar katrtay hain aur aap ache tarah jantay  bhe hain kay unka keya nafseyatee masayel hay.phir bhe aap “hat dharmee” say gussa mehsos karna aur iska izhaar karna jaree rakhtay hain taka aik jhota waqar barkarar rahay.baazaukaat aap khud ko mazboot karnay ka leya bhe gussay ka muzaherah kartay hain halakay darhakekat aap kamzore ka muzaherah karrahay hotay hain.is taraha ke suratay haal bilkhasoos bachpan kay zamanay main dakhnay main ate hay aur aap kay waledain aur aap kay darmeyaan paida hotee hay.maslan wo aap ko mashwarah datay hain aur aap ke bhalae kay leya kehtay hain kay jab subha alaram bajay tau foran bistar choor dain.takay aap wakt par school jasakain.aap itnee jaldee uthna pasand nahe kartay.aap pnay gussay ke sust rawaeya kay zareyaa muzahmat kartay hain.bistar main nikalnay main dair lagatay hain.daatna saaf karnay aur moo dhonay main sustee kartain hain.nashtay main bhe yahee tarzay amal barkarar rakhtay hain.lakij iska nateeja keya nikata hay? Aap dikhtay hain kay aap ke muzahmat nay aap kay leya mushkil paida kardee hay.school pohanchnay main takheer hojatee hay.school kay hukaam aap ko sar zanish kartay hain.jurmana ayad hojata hay.aap kae aur taraha say bhe mutasir hotay hain.maslan high school main aapko achay number nahe miltay aur phir kisi achay college main dakhela lanay say mehroom reh jatay hain.hat dharmee,sarkashee ya zid main akar aap khud say kehtay hain…“main apnay waledain ko khush karnay kay leya subah itnee jaldee baidaar nahe hoakta.agar main aisa karon ga tau mujh par laanat hay.aisa karkay main khud ko ahmak sabit nahe karsakta kay mehaz unkay subah walk par janay kay leya baidaar hojaon.main unhay dekha donga kay main apne marzee ka malik hon.main jaan bhoojh kar bistar main rahon ga aur apne marze par amal karon ga”.agar aap is tarah ka tarzay amal dekhatay hain jesa kay apnay bachpan main aap nay ikhteyaar keya rakha ya baree umar main anay kay bawajood isse maksad kay leya aisa kar rahay hain tau yakeen janeya aap khud ko mehaz ahmak bana raha hain bachpan main aap kay waledain aap ko subah uthnay ka mashwara datay tha.aap ahmakana taur par aur sarkashee main khud ko kaeyal kartay thay kay agar aap nay unkay asool zabtay par amal keya tau yah apnay leya nahe balkay unkay leya hoga.aap samjhtay thay kay is tarah kay asool par amal karna,kamzoore dekhanay kay mutaradif hay.halakay asia karna aap ke takat ban sakta tha.aap apne poree takat say unke mazahmat kartay rahay.lakin hakikat main keya tha?Aap hemakat karrahay thay.aik kamzoor amal dekha rahay thay.issi tarah aksar aukaat aap apnay gussay kay sath kartay hain.aksar aukaat aap namunasib tarzay amal par taish main ajatay hain aur phir mehsos kartay hain kay aap ka gussa aap ko shikast day raha hay.logon ko mazeed namunasib tarzay amal par uksa raha hay.iskay bawajood logon kay baray main apne hakemana sooch say chimtay rehtay hain aur khud ko kaeyal kartay hain kay aap ka gussa jaez aur aap ke takat ka mazhar hay.munasib yahe hay kay app logon ko inkee ghalteyon par sakhtee say taukain. Aap khud ko bawar karatay rehtay hain kay agar main nay dosra rasta ikhteyaar keya tau yah mujhay kamzoor sabit karay ga aur main apne izatay nafs gawan baithon ga. Chunacha aap apne barahmee ko barkarar rakhtay hain halakay juzwee taur par samjhtay hain kay aap gair makool ikdaam karrahay hain.yeh sab kuch ghalat sooch ka nateejah hota hay hakikat yah hay kay jab aap kisi kay ghalat tarzay amal ko napasand karnay kay bawajood apna gussa tark kartain hay tau aap ziadah takat war hotay hain aur baadaza iskay achay nataeyaj say humkinaar hotay hain.lakin aap issay mukhtalif andaaz main shayad danista khud ko mazeed ghazab naak bnatay hain aur inkaam ke khatir us shakhs ka peecha kartay hain jisnay aap kay sath ghalat rawaeya ikhteyaar keya tau mosalsal gussay ke aag main sulagtay rehtay hain.jab aap apne takat war zid aur sarkashe main mutazaad iraday kay sath mudakhilat kartay hain aur danista taur par dosron ke ghalat rawish kay bawajood insay shistagee say paish atay hain tau manakaz andaaz main apne gair makooleyat say lartay hain aur issay tarak karna ka rohjaan paida kartay hain.is hawalay say aap darhakekat apnay leya keya chahtay aur logon kay sath apna ainda talukaat say keya hasil karna chahtay hain ap mutazaad raweaya ke hikmatay amle apna kar behtar nataeyaj hasil karsaktay hain.  Rakeel haray mutazad raweya ke hikamatay amlee ka aik aur khaka martab kar rakha hay jissay main(alis albert)bhe apnay marezon ka gussa ko kam karnay aur behtar rawaeya apnanay kay leya istaymaal kar chukka hon.yea apko mahdood ya makhsoos halat main ijazat dayte hay kay apnay gussa aur ghazo-o-ghazab ka izhar karlain.

    Maray marezon main say aik ka kehna tha kay galee main guzartay howay koe is par thookta hay aur thook kay cheintay iskay kapron aur joton par moujod hotay hain.wo sakht gussay main a jata hay aur sochta hay kay aisa karnay wala agar osay nazar a jay tau wo osay katal kar kay rakhday. Mainay isay kayel keya kay yah sab kuch iska waham hay.osay gussay main anay our koye sakhat ghadam othanay ka haq is wakat hasil hoga jab koye our dakhnay wala is ke tasdeek karay kay ispar thook aakar gira hay.chonkay wo sabit he nahe kar sakta tha chonancha is par gussay kay douray parna batadreej khatam ho gay.aap bhe issay mutazaad hikmatay amle ka apnay leya istaymal kar saktay hain.asay mawakay aur halat apnay zahan main lain jinmain aap mahsoos kartay hain kay aap kay sath namunasib rewaeya ikhtayar keya gae aur jab aap musalsal gussa mahsoos kartay hain aur iska izhar kartay hain.jan bojh kar in halat-o-wakayat ko makhsoos banaain.apnay aap ko gussay main mehsos karain aur gussay ka koe ikdaam karain jab 

    1.har aik is baat par mutafik hay kay logon nay wakaye apkay sath gair munasib salook keya 

    2.har aik is baat par mutafik hay kay is gair munseefana bartao nay aap ko shaded nuksaan pohanchaya aur 

    3. Aap sabit kar sakatin hain kay aap ko is namunasib tarzay amal kay nateejay main bhari maalee nuksaan pohancha hay. 

    Agar aap khud is mutazaad andaz main azadana taur par apnay gussay ko mehsos karnay aur iska izhaar karnay ke ejazat bhe dain lakin is doraan khud peh kaboo rakhain aur khud ko apay sa bahar na honay dain tau is taraha khud ko aisi pabandee kay sath rehnay ka adee bna lain gain jo aap khud takhleeq kartay hain.yon aap zarorat kay mutabik apna gussa bhe takhleeq kar saktain hain aur issay hadod main rakhnay aur khud peh kaboo paeya rakhnay ke takat bhe rakhtay hain.gussa mehsos karna lakin is ka izhaar na karna ya phir jan bojh kar gussa ka izhaar karna  lakin khud ko aitadaal main rakhna,aise mutazaat kefeyaat ke techniques khoob moasar rahe hain.keyon ka yah aap ko mayosee aur depression say bachatee hain. “mujhay gussa mesos karna chahiye ya mujhay gussa mesos nahe karna chahiye”…yeh aao ko mumkina raday amal ka aik wasee madaan muhaeya kartay hain aur aap ko kaeyal karatee hain kay aap is wasee tar madaan main kaam karsaktain hain.

    Anger's Articles
    Suppress Anger
    Way Of Calm Down In Anger
    Different Steps Anger Changes In Attitude
    Anger Changes In Attitude
    Control Your Anger
    Anger Lesson Of Moral
    Anger Increases In Temperament
    Deterioration In Troubles
    Moral Act Of Anger
    More Ways Of Controling Anger

    Recent Articles

    Hemorrhoids

    Cushing Syndrome

    Health Information

    ..........

    Copyright 2016 www.urduhealth.com...............
    Template by w3layouts