Urdu Health Articles

Urdu Health Articles, Home Treatments, Benefits of Fruits And Vegetables, Homoeopathic Treatments And Tips in Roman Urdu

Coriander Benefits Dhaniya Ke Faide

oriander Benefits : Here you will read about Coriander Benefits In Urdu Dhaniya Ke Faide. Solanum nigrum coriander heart and brain. Grazing in the brain and prevents evaporation measure is useful.

Table of Content
  • Coriander Benefits Dhaniya Ke Faide In Urdu
  • Coriander Benefits Dhaniya Ke Fawaid Roman Urdu

    Coriander Benefits Dhaniya Ke Faide In Urdu

    Coriander Benefits In urdu

    Dahniya ke Fawaid Aur Uska Sahi Istemaal

    Dhaniya Mukwi dil o dimagh hai. Bukharat dimagh main charnay ko rokta hai aur kafkaan waswaas ko mufeed hai. Maida ko bhi quwat bakshta hai. Dasto ko band karta hai. Is ki kalie moo ke khush aur galay ke dard ko nafa hai. Bhina hua dahniya nafk-e-shakam, badhazmi ke liye safoof bana kar khilatay hain. Dahniya ke patto main hayateen mojood hai. Daal tarkaari main jo masala shamil kiya jata hai. Dahniya us ka aik jazoo hai. Is se salan khushboo daar ho jata hai. Is ke elawa yeah maiday ko taqat data hai aur reeha ko nikalta hai gas ko dimagh ki taraf charnay se rokta hai.Chakar anay ki shikayat ho tou dahniya khushk aur amla khushk 9, 9 mashay ko neem koob kar ke raat ko paani main bheego kar rakhain. Subha ko paani chaan lain aur misri se meetha kar k pee lain.

    Khana khanay k baad panch chay mashay dahniya chabanay se maiday ko quwat ponchati hai aur agar maiday ki kamzori ki wajah se dust  atay ho toh in ke band honay main madat milti hai agar dusto main khoon ata ho tu aik tola dahniya ko paani main pees kar chaan kar peenay se wo band ho jatay hai.

    Agar maiday se tabkheer hoti ho aur is se mareez ko dard saa ho yeah chakar atay ho tu dahniye ko koot chaan kar barabar wazan khanad mila kar 9 mashay khana se tabkheer ruk jati hai aur chakaro ka ana band ho jata hai.

    Garmi ki wajah se sar chakraye yeah ankho talay andhera cha jaye tu khushk dahniya 6 mashay aur choti ilachi 5 adat kot kar raat ko paani main bheego dain. Subha nithaar kar misri se meetha kar k peeyen roz peena se shikayat dur ho gi.

    Khushk dahniya 3 masha ka sheera nikaal kar sharbat banfisha se sheeri kar ke do din main 3 dafa peelain. Sar main chakkar ana ankho ke agay andhera aanay ke liye bohat mufeed hai.

    Khushk dahniye ko jo kob kar ke potli main bandh lain bar bar songhain cheekay band ho jayen gay. Sabz dahniya ka paani lay kar mareez ko songhaye nez sabz pattay bareek pees kar peshani par laip karen. is se nakseer ka jaari khoon band ho jaye ga.

    Agar garmi ki ziyadti ki wajah se dakarain shuru ho jayen to is ko rafa karnay ke liye khana khanay ke baad thora saa dahniya chaba liya jaye tu dakarain aana band ho jati hain.

    Bacho ke pait dard ke liye dahniya khushk bakdar aik masha paani main ghot chaan kar bacha ko peelaye. Is se bache ke pait ke dard ko aram ho jaye ga .

    Dahniya aik tola ghot chaan kar misri mila kar ghoont ghoont peelayen kaay band ho jaye gi. Jab kaay kisi tarhaan band honay main naa ati ho tu sabz dahniya ka paani thoray choray waqfay se ghoont ghoont kar ke peelana chayeh.

    Kisi shaks ke maiday main ghiza bohat kum therti ho. Yaani bohat jald pakhana ke rastay achi tarhaan hazam howay baghair nikal jati ho tu is surat main 6 tola mirch saya, namak  2 tola bareek pees kar chooran bana lain. Khoraak sirf 3 masha khana khanay ke bad liya karain.

    Dil ka dharakna . is k liye khushk dahniye ko kot chaan kar raat ke waqt mitti ke kooray kozay ke andar adha sair paani daal kar bheego dain aur subha mil chaan kar misri mila kar peela dain.

    Vegetable Benefits's Articles
    Why To Eat Tomatoes
    Benefits Of Mint In Urdu Pudina Benefits
    Coriander Benefits Dhaniya Ke Faide
    Kachaloo Benefits
    Pumpkin Halwa Benefits In Urdu
    Ginger Benefits
    How To Cook Vegetables
    Benefits Of Cabbage
    Saag Benefits
    Benefits Of Salad Leaves

    Copyright 2016 www.urduhealth.com...............
    Template by w3layouts