Urdu Health Articles

Urdu Health Articles, Home Treatments, Benefits of Fruits And Vegetables, Homoeopathic Treatments And Tips in Roman Urdu

Benefits Of Pineapple - Ananas Ke Fayde

Pineapple Benefits (ananas ke fayde): Pineapples are delicious fruits found throughout year in canned form. Pineapple crop is native to Southeast Asia and cultivated on large scale especially in Thailand, Philippines, and Islands of Hawaii, it is also grown in Europe and Africa. Pineapple fruit is rich in pulp with tasty nutritious juice. 
 
It is available in markets as canned food, juices, jams, jellies, yogurts and in form of ice-cream, nature keeps in it both taste and nutrition simultaneously. Pineapples contain highest quantities of vitamin C. Other vitamins and minerals are also present which are very effective for maintaining health and beauty.
Pineapple is very good for healthy, bright and fair skin because of its vitamin content. Liver disorders like typhoid and jaundice also benefits from its use because it contains low fat and high vitamin and glucose content and moderate amounts of water also, so it helps liver in detoxification process and puts little burden on liver and digestive tract. 
Pineapple is also famous for its meat tenderizing properties, this is due to the presence of photolytic enzymes present in it which breakdown animal proteins present in meat and helps its digestion and absorption, it should be included in diet containing meat for better digestion, it is also best for children health and growth because of carbohydrate content which readily provide energy along with minerals and vitamins which are essential for proper development of teeth , bones and soft tissue. Pineapple is good for kidneys.

Table of Content
  • Pineapple Ke Faide In Urdu
  • Gurdon Ka Ilaj - Pineapple Se In Urdu
  • Cancer Ke Liyeh Mufeed Hai - Pineapple
  • Yarqaan Ka Ilaj - Pineapple
  • Pineapple Juice Recipe In Urdu
  • Pineapple Jam In Urdu
  • Pineapple Benefits In Urdu -  (ananas ke fayde)

    Pineapple Ke Faide In Urdu

    Pineapple aik lazeez, mash-hoor aur bohut mufeed fruit hai, ye bohut shauq se khaya jata hai. Pineapple jab kacha ho to us ka rang ooper se sabz hota hai, jab pak jata hai to bahar se surkh-sabzi mail nazar aata hai aur andar zard, is ka zaiqa sheeren turshi mail hota hai, duniya mein Pineapple ki pedawar khushk sehrai ilaqon mein hoti hai, is ki pedawar ziada tar Filapain, Thailand, Brazil, China aur India mein hoti hai, is ka asal watan Janoobi America bataya jaata hai. 
    Pineapple ke fruit ke ooper Allah ta’aala ne teh-ba-teh khanay banaye hain. In khanon ke paska post nazuk hota hai. Ye gol lambootra hota hai. Ye fruit barsaat ke mosam mein pakta hai. Is ka fruit taqreeban 15 mah mein pakta hai. Is ki khushbu munfarid hoti hai. Ye khanon, salad, ice-cream, cake aur custard mein bhi dala jata hai. Is ka juice aur sharbat banaya jata hai, wo bhi isi tarah mufeed aur her-dil-aziz mashroob hai, jo ke bohut shoq se piya jata hai, Pineapple ka murabba bhi banatay hain.
    Pineapple khareedte waqt hamesha dekhen ke paka hua aur taza ho, nahin to phir tink pack khareedna chahie. Keliefornia ke Pineapple ke dabbe bohut achhe hote hain. Pineapple ke tukre khwah gol hon ya chokor, yaksan fawaid ke hamil hain. Nam: Pineapple ko angrezi mein Pineapple, bangali mein naras kehte hain aur is ka nabatati nam Ansnus Comosus hai. 
    Mizaj Pineapple
    Baz atibba ne Pineapple ka mizaj sard-o-tar dusre darje mein likha hai aur Al-Haj Hakeem Muhammad Yaseen Deenapuri Sahab ne khawasul mufridat mein garam, pehle darje mein aur tar dusre darje mein tehreer farmaya hai. 

    Gurdon Ka Ilaj - Pineapple Se In Urdu

    Pineapple vitamins aur mineral ka khazana hai. Vitamin C aur menganeez hasil kerne ka behtareen zariya hai. Ye Vitamin C se bharpoor hai. Vitamin C masoorhon ki sehat ko barqarar rakhta hai. Nazla aur zukam mein mufeed hai, ye quwwt-e-mudafiat mein izafa kerta hai, menganeez haddion ki nashonuma aur mazbooti mein ahem kirdar ada kerta hai aur zehni-o-dimaghi tanao ko kam kerta hai. Nasiyan ke lye mufeed hai. Tamam juson ki nisbat Pineapple ke juice mein menganeez ziyada miqdar mein paya jata hai, is ke juice ka aik cup rozana darker menganeez ka 73 feesad muhayya kerta hai. Is ke ilawa is mein calcium, tanba (copper) vitamin A aur B bhi paya jata hai. Pineapple gurdon aur masanay ki beemarion ke ilaj ke liye behtareen sabit hota hai. 
    Peshab ki bandish ke liye Pineapple ke do qatle pani mein pees ker sharbat ki tarah dene se peshab jari ho jata hai aur gurdon ki safai bhi ho jati hai. Kewnke Pineapple peshab awar hai, is liye is ke istamal se peshab ki jalan door hoti hai aur jism mein mojood fasid madde tahleel ho ker peshab ke rastay kharij ho jatay hain. Gurdon ki pathri (Renal Stone) ko bahar nikalta hai. 
    Gurday masanay mein agar pathri ho to kuchh din Pineapple khatay rehne se ye nikal jati hai. Pineapple joron ke dard mein bohut mufeed hai, is ke istamal se joron ka dard theek ho jata hai. Jism ke andar agar chhoti chhoti rasolian hon to wo bhi is ke baqaida istamal se tehleel ho jati hain. Ye buland fashar-e-khoon (high-blood-pressure) ko kam kerta hai. 
    Dil ko taqat deta hai aur is ke khanay se dil ko farhat mehsoos hoti hai. Ye khafqan ko door kerta hai, Pineapple doran-e-khoon ke liye mufeed hai. Tang shariyanon mein bhi khoon ki gardish ko behtar kerta hai. 
    Sozish aur soojan ko khatam kerta hai.  

    Cancer Ke Liyeh Mufeed Hai - Pineapple

    Cancer ke marz se tahaffuz faraham kerta hai. Khoon ke andar lotharay (Clot) ban-ne kea mal ko rokta hai, jo ke dora-e-qalb se bachanay ka zariya hai. Pet ke keeron ko khatam kerta hai. Matli ko rokta hai aur nizam-e-hazm ko behtar bana ker bhook ko barhata hai. 
    Agar bad-hazmi ho to Pineapple ke do baray qatle le ker un per zara sa namak aur pisi hui kali mirch chhirak ker khain. Inshallah faida hoga. Ye meday ko taqat deta hai aur meday ki garmi ko bhi door karta hai. Pineapple jigar ko taqat deta hai aur jigar ki garmi mein taskeen pohnchata hai. 

    Yarqaan Ka Ilaj - Pineapple

    Yarqaan ke liye mufeed hai, yarqaan ke mareezon ko Pineapple ka juice dene se faida hota hai. Agar garmi mein chalne phirne ki waja se jism mein hiddat ho, bukhar ho gaya ho, to Pineapple khanay ya us ka sharbat peene se sakoon mil jata hai. Ye piyas ki shiddat ko kam kerta hai. 
    Garam mizaj walon ke liye ye fruit bohut mufeed hai. Kuchh logon ka gala phool jata hai. Aam zaban mein ye marz iodine ki kami se ho jata hai. Aam zaban mein isay gilhar bhi kaha jata hai. Pineapple is marz mein bohut mufeed hai. Isay khane se gale ki naali ka warm door ho jata hai. 
    Gala beth jae to us ke liye bhi Pineapple behtareen dawa hai. Khunnaq mein Pineapple ka juice bohut mufeed hai. Agar mareez ka gala band ho gaya ho to is ka taza ras mun mein dalna chahie. 

    Pineapple Juice Recipe In Urdu

    Pineapple ka gooda 250 gram le ker 500 milli litre pani mein pees len aur us ko khoob pakain. Jab achhi tarah gal jae to utaar ker chhalni mein chhan ker 750 gram cheeni mila ker mazeed pakain. Jab sharbat ki tarah garha ho jae to choolhe se utaar ker thanda ker ke botlon mein bhar len.
    Sharbat tayyar hai. Ise peene se dil ko taqat milti hai aur jigar, meda waghera theek rehta hai. Ye sharbat pete hi jism mensakoon aur tamaniat mehsus hoti hai. 

    Pineapple Jam In Urdu

    Pineapple ke tukre pani mein paka ker grind ker len, phir use pakne ke liye rakh den. Chhoti ilaichi do teen danay chheel ker bareek pees ker mila len. Dugni cheeni daal ker mazeed pakain. Gaarha hone per utaar len. Jam tayyar hai. Aap is ko tos per laga ker istamal keren. 

    Taza Pineapple ke tukre kaat len aur thora pani dal ker pakain, take gal jain, phir Pineapple ke wazan se dugni cheeni le ker thora sa pani dal ker qawwam banain, is mein Pineapple ke tukre dal ker pakain, garha hone per utaar ker thanda ker ke martabaan mein mehfooz ker len.  

    Fruits Benefits's Articles
    Healthy Fruits To Eat In Winters
    Olives Benefits For Weight Loss
    Benefits Of Pineapple
    Apricot Benefits In Urdu
    Benefits Of Banana In Urdu
    Melon Benefits
    Orange Benefits
    Walnut Benefits
    Grapes Benefits
    Dried Dates And Dates Khajur

    Recent Articles

    Hemorrhoids

    Cushing Syndrome

    Health Information

    ..........

    Copyright 2016 www.urduhealth.com...............
    Template by w3layouts