Urdu Health Articles

Urdu Health Articles, Home Treatments, Benefits of Fruits And Vegetables, Homoeopathic Treatments And Tips in Roman Urdu

Spices In Pakistan - Benefits

Spices In Pakistan: Spices are the English word, which is mean “Masalay” in Urdu. It is commonly used in Pakistan for cooking. In this page, we will establish benefits of spices in Roman Urdu.

Table of Content
  • Spices Benefits In Urdu
  • Types Of Spices In Roman Urdu
  • Spices In Pakistan - Masalay In Urdu

    Spices Benefits In Urdu

    Masalay Ke Faide
     

    Barr-e-sagheer mein hazaron sal se jari bootion aur masalon kay zariye ilaj-mualje ka silsila jari hai aur mukhtalif tareeqa-hae illaj ki tez-raftar taraqqi kay bawajood aaj bhi karoron afrad in ashia ki taseer mein yaqeen rakhte hain. Jo masale hamare khanon mein istamal hote hain, 
    Un kay bare mein ye kehna ghalat na hoga kay wo hamari sehat kay liye nuqsan deh hain, is kay bar-aks agar un masalon ko munasib miqdar mein istamal kia jae to ye sehat kay liye faede ka bais hon ge. 
    Aaiye is waqt chane ese masalon per nazar daalte hain jin ka istamal na-sirf khanon ki lazzat barhata hai, balke sehat kay lie bhi faidamand hai. Sehat ki khatir in masalon ko khane mein shamil kern eke ilawa dusre tareeqon se bhi istamal kia ja sakta hai. 
    Haldi: Haldi ka safoof mane afooniat hota hai aur is mein aik aisa keemiai madda paya jata hai jo nasiyan se mehfooz rehne mein madadgar hota hai. Haldi ki man-e-sozish taseer khansi, zukaam, dama aur deegar sho’bi beemarion se bachao mein madad deti hai.

    Types Of Spices In Roman Urdu

    Masalon Ki Qisamay Aur Faide

    Sufaid Zeera
    Zeere ko ubaal ker sone se pehle chae ki tarah peene se neend achhi aati hai, is mein man’-e-sartaan ajza bhi pae jate hain. 
    Filfil Dana
    Pepper Corn ya filfil dana siah, sufaid aur sabz rang mein milta hai aur ye nizam-e-hazm kay liye faeda mand hai. Apni virus kush khusoosiat kay bais ye khansi aur zukaam ko bhi araam pohnchata hai. Ye saans ki nalion ko saaf kerta hai aur khayal hai kay namardi kay ilaaj mein bhi madad deta hai.
    Surkh Mirch
    Tez masalon wala khana khane se dil ki dharkan tez ho jati hai, aur surkh mirch to istahala ki sharah mein pachas fesad tak izafa ker deti hai. Neez ye izaafa mirch khanay kay taqreeban do ghante baad tak rehta hai. Surkh mirch mein aik aisa juzw hota hai jo dard ko bohut aaram pohnchata hai. Surkh mirch agar thori miqdar mein pabandi se khai jae to jism kay mudafiati nizaam kay liye mufeed hai. Ye hazmay mein madad dene walay urooq ki pedawar mein muharriq ka kam kerti hai aur is kay khanay se jo paseena aata hai, us kay saath jism kay sami madde bhi kharij ho jate hain. 
    Lehsan
    Lehsan sadion se mukhtalif beemarion kay ilaj kay liye istamal ho raha hai. Ye aik taqatwar man-e-takseed hai jo jism mein muzrat rasan free radicles ka tor kerta hai. Lehsan mein paya jane wala keemiai madda (ALLICIN) aik qudrati zid hevi hota hai, lihaza is ka mustaqil istamal jism kay mudafiati nizam ko taqwiat pohnchata hai aur khansi, zukaam waghera se mehfooz rakhta hai. Khayal hai kay ALLICIN sartaan se mehfooz rehne mein bhi madad deta hai. Lehsan khoon ko patla kerta hai aur fashar-e-khoon aur cholesterol ka kerne kay liye istamal hota hai. Ye bhi bataya jata hai kay lehsan jild ki beemarion aur nakseer se bachao mein madad deta hai. 
    Adrak
    Adrak bhi aik bohut achhi man-e-takseed hai aur bataya jata hai kay is kay khane se doran-e-khoon behtar hota hai. Adrak nafakh ya apharay ko rokti hai, ya is mein afaqay ka bais hoti hai. Neez hazmay kea mal mein madad deti hai. Adrak apne kemiai madde (ZINGERONE), joron kay dard aur joron kay pathrane se bhi bachati hai. Aik khayal ye bhi hai kay adrak kam-khooni aur jigar ki takaleef kay liye mufeed hai. 
    Daar Cheeni
    Daar Cheeni ki chhal ko sabit istamal kia jae ya safoof ki shakal mein, ye jaraseem kush (bacteria-maar) hoti hai. Yahi waja hai kay isse saans ki badbu door kerne aur haazmay mein madad den eke liye istamal kia jaata hai. Pabandi se istamal karen to aam zukam se bacha ja sakta hai. Daar cheeni ka tel daant kay dard, sar kay dard aur namardi kay ilaaj kay liye bhi istamal hota hai. 
    Chhoti Elaichi: Iss se saans mein mehek peda hoti hai. Matli door hoti hai aur aanton ko aaram milta hai. Ilaichi mile garam pani ki bhaap li jaye to dard-e-sar mein afaqa hota hai. 
    Dhaniya
    Dhaniye kay beej aur pattion kay muta’addid tibbi fawaid hain. Ayorvedic tariqa-e-ilaaj mein dhaniye kay baray mein batay jata hai kay ye nizam-e-hazm ki hiddat kam kerta hai aur ankhon ko thandak pohnchata hai. Hara dhaniya ya sabt dhaniya khana pakane mein istamal ho ya ise raat ko bhigo ker subha pi liya jaye, dono taran mufeed hai. Is se qabz mein bhi kami hoti hai. Khafeef-e-ashob-e-chashm ki surat mein dhaniye ka paani mutasira jaga per laganay se aksar afaqa hota hai. 
    Sooki Meethi
    Masoor aur gobhi waghera jesi cheezon se agar nafakh ho jaye to khanay mein methi kay danay shamil kerna mufeed hoga. Apni virus kuch khusoosiat kay baais ye galay ki kharash aur mun kay qarhon kay liye faida mand hai. Taveel arse se meethi ziyabetus kay ilaj kay liye istamal hoti rahi hai aura b aik khayal ye bhi hai kay is se buland fashar-e-khoon ko kam kerne mein madad milti hai. 
    Mukhtasar ye kay masalay jin ka zikr ooper kia gaya, khanay kay zaiqe mein izafay kay sath sath insane sehat per ache asarat bhi muratab kerte hain. 

    Benefits In Urdu's Articles
    Ten Healthy Foods For Healthy Brain
    Fruits And Vegetables To Consume In Summers
    Lemon Grass Benedfits
    Healthy Foods Benefits
    Benefits Of Winter Vegetables
    Aniseed Benefits
    Poppy Seeds Benefits Khashkhash Ke Faide
    Almond Benefits Badam Ke Faide In Urdu
    Pistachio Pista Benefits in Urdu
    Coconut (Nariyal) Benefits In Urdu

    Recent Articles

    Hemorrhoids

    Cushing Syndrome

    Health Information

    ..........

    Copyright 2016 www.urduhealth.com...............
    Template by w3layouts